Angunnguaq Berthelsen - 24/08/2011 
Sorsuttartuuvutit, inuttarisavit isai atorlugit pinnguaat isigivat. Erfalasut tiguakkat amerlaneqqusaatsillugit sivisuneqqusaatsillugillu. Toqutaaguit erfalasup tiguaqqasassi nalaani uummaqqissaatit. Iligiilli uummartitsigaangamik pointiminnik annaasaqartarput, nakorsarisassi uummarteriataanngippatit. Pointit nungukkiartortarput, nunguutsisut ajorsarlutik. Illillu ilitit naalakkersorsinnaallugit.
Sakkut assigiinngitsut atorsinnaavatit, taakkunannga toqqakkanni piginnaasaqassaatit, soorlu nakorsaq, mekanikereq, qamutilissuarnik qaartitsisartoq. Allarpassuillu.
Nuannequtiginerpaavaali angallatit atorsinnaagakkit iligisannik usilersorlutit soorlu; biilit aallaasillit, umiatsiat aallaasillit, helikopterit sorsuutit angallassissutilluunniit, qamussuit, timmisartut malersuutit qaartartunik nakkaatitsisinnaasut. Allarpassuillu pikkunaqisut. Tamakkuli aamma akiorsinnaavatit missilit malersuutinik, maskingeværersuarnillu.
Ingikkuit aquutaalu ilikkarukkit misigilissaatit piffissaq malugisimanagu nuannisarnermik.
Piumasaqaataanngilaq internitsi pigissagit. Qarasaasiaq unammisinnaagakku. Internitsimulli iseruit aamma periarfissaqarputit nunarsuarmioqatitit unammisinnaallugit, qaffakkiartorlutit sakkutuut nalagaannut. Qaffannerillu tamaasa aallaasinik sakkunillu nutaanik akissarsisassaatit. |
|
